एमालेभित्रै बसेर संविधान संशोधनका लागि संघर्ष गर्छु

   
53   पटक पढिएको

५ असार, काठमाडौं । दोस्रो चरणको स्थानीय चुनाव बिथोल्न राष्ट्रिय जनता पार्टीका शीर्षनेताहरुले पत्रकार सम्मेलन गर्दै गर्दा सोही पार्टीकी केन्द्रीय कोषाध्यक्ष अनिता यादव भने एमाले केन्द्रीय कार्यालय धुम्बाराहीमा थिइन् ।

जतिबेला राजपाले उम्मेदवारी मनोनयन बिथोल्न भएभरको शक्ति लगाइरहेको थियो, त्यति नै बेला कोषाध्यक्ष अनिता यादव र केन्द्रीय सदस्य राजेश्वर महासेठ एमाले प्रवेश गर्दै थिए ।

अनिता यादव केही महिनाअघि नवलपरासीमा सम्पन्न भएको तत्कालीन तराई मधेस लोकतान्त्रिक पार्टीको महाधिवेशनबाट केन्द्रीय कोषाध्यक्षमा निर्वाचित भएकी थिइन् । उनी ६ वटा मधेसवादी पार्टीको एकीकरणपछि राजपाको पनि कोषाध्यक्ष बनेकी थिइन् ।

अनिताका पति श्रीकृष्ण यादव एमालेबाट ०५६ सालमा धनुषा ५ मा चुनाव लडेका थिए । तर, उनी झिनो मतले कांग्रेसका रामवरण यादवसँग पराजित भए । मधेस आन्दोलनको भेलमा श्रीकृष्ण पनि एमालेबाट बाहिरिए । यादव तमलोपाको केन्द्रीय कोषाध्यक्ष रहेकै बेला मकवानपुरको भीमफेदीमा भएको दुर्घटनामा निधन भयो ।

अनिता २४ वर्षदेखि राजनीतिक गतिबिधिमा रहे पनि पति श्रीकृष्णको मृत्युपछि तमलोपाको केन्द्रीय राजनीतिमा सक्रिय भएकी थिइन् । उनले ०७० सालको संविधानसभा निर्वाचनमा तमलोपाबाट उम्मेदवार बन्दा धनुषा ५ मा ८ हजार ३६५ मत प्राप्त गरेकी थिइन् । त्यो क्षेत्रबाट तत्कालीन राष्ट्रपति रामवरण यादवका छोरा चन्द्रमोहेन यादव बिजयी भएका थिए ।

चुनावमा भाग लिने र एमालेलाई हेर्ने दृष्टिकोणमै कुरा नमिलेपछि आफूले राजपा परित्याग गरेको अनिताले बताइन् ।उनले एमालेभित्रै बसेर संविधान संशोधनका लागि संघर्ष गर्ने बताइन् ।

मधेस बिरोधी भनेर प्रचार भइरहेको एमालेमा प्रवेश गर्नुको कारण के हो ? अनिता यादवसँग यही प्रश्नबाट कुराकानी शुरु भयो ।

एमाले मधेस र मधेसीको प्रमुख दुश्मन भनेर प्रचार भइरहेका बेला तपाई एमालेमै प्रवेश गर्नुभयो किन हो ?

यही विषयमा पनि राजपाभित्र मेरो कुरा मिलेन । मधेसी मोर्चामा आवद्ध नेताहरुबीच को बढी क्रान्तिकारी, को बढी मधेसवादी देखिने होड चलिरहँदा एमालेलाई प्रमुख दुश्मन घोषणा गरियो । प्रधानमन्त्रीमा भोट कांग्रेस र माओवादीलाई हाल्ने अनि मधेसको अधिकार चाहिँ एमाले दिनुपर्ने भन्ने कुरामा मेरो लामो समयदेखि फरक मत थियो ।

ममात्र होइन, अहिले राजपाभित्र धेरै नेताहरुले एमाले बिना मधेसको अधिकार स्थापित हुँदैन, त्यसैले एमालेसँग मिल्नुपर्छ भनिरहनुभएको छ ।

तर, केही नेताहरु छन्, जो अन्यत्र कतैबाट निर्देशित भएर एमालेलाई मधेसमा निषेध गर्ने भनिरहेका छन् । उनीहरु निर्देशित अतिवादको शिकार भइरहेका छन् ।

वास्तवमा मधेसको अधिकार एमालेको सहमति र सहभागिता बिना सम्भव छैन भनेर हामीले छलफल चलायौं र पहिलो चरणमा हामी एमालेमा प्रवेश गरेका हौं ।

भनेपछि अधिकार लिनै बाँकी रहेछ, जुन कुरा एमालेले मानेकै छैन, एमालेबाट त्यो अधिकार लिन कसरी सम्भव होला ?

एमालेले मधेसीलाई अधिकार दिनुहुँदैन भनेर कहीँ कतै भनेको त छैन । तर आ आफ्नो स्वार्थ पूरा गर्न एमालेलाई जबर्जस्ती मधेस विरोधी देखाउन खोजियो । बिभिन्न भ्रम छर्दा एमालेले मधेसमा भावनात्मक क्षति व्यहोरेको छ । तर, सगठन र मतदातामा त त्यस्तो देखिएन । बरु उल्टै एमालेलाई बिच्क्याउने कामले गर्दा मधेसका जायज माग पनि पूरा भएनन् ।

त्यसैले अब मधेसको अधिकारका लागि एमाले जस्तो राष्ट्रिय पार्टीभित्रै बसेर काम गर्न सकिन्छ र यहीँभित्र संघर्ष गर्नुपर्छ भनेर पार्टी प्रवेश गरेका हौं ।

एमालेमै प्रवेश गर्दा तपाईप्रति मधेसमा कस्तो दृष्टिकोण बन्ला ?

म मधेसकै फिल्डमा काम गर्ने मान्छे हुँ । मधेसका जनताले चुनाव चाहेका थिए तर राजपा नेतृत्वले जनताको कार्यकर्ताको र हामी नेतृत्वमा रहेकाहरुको पनि कुरा सुन्न चाहेन ।

जहाँसम्म एमाले प्रवेशको कुरा छ, मलाई एमाले प्रवेश गर्नुपर्ने अर्को कारण चाहिँ एमालेसँग मेरो पारिवारिक र भावनात्मक सम्बन्ध छ । मेरा पति पनि एमालेमा लामो समय काम गर्नुभएको थियो । म पनि १४ वर्षसम्म एमालेमा काम गरेर मधेस आन्दोलनका बेला अलग्गै पार्टी गठन गरेर उता गएको हो ।

एमालेको नेतृत्व तह र कार्यकर्तासँग पनि चिनजान सम्बन्ध भएकाले काम गर्न सहज हुन्छ, आफ्ना कुरा राख्न र मधेसको पक्षका कुरा राख्न सजिलो हुन्छ भनेर एमाले नै रोजेको हो ।

राजपाले चुनाव बिथोल्न आन्दोलन गरिरहेका बेला तपाईले एमाले प्रवेश गर्नु संयोगमात्र हो कि ?

यो त संयोगमात्र हो । हामी चुनावको पक्षमा भएकाहरु केही एमाले प्रवेश गरेका छौं । कोही फोरम र अन्य पार्टीमा पनि प्रवेश गर्दैछन् । केहीले स्वतन्त्र उम्मेदवारी दिएका छन् । अरु कतिपय नेता कार्यकर्ता अन्तिम संघर्ष गर्ने र भएन भने राजपा छाड्ने तयारीमा हुनुहुन्छ ।

वास्तवमा चुनावमा भाग नलिने राजपाको ऐतिहासिक गल्ती र आत्मघाती कदम हो । यो कुरा हामीले धेरै पटक बुझाउन खोज्यौं ।

जनताले २० वर्षदेखि स्थानीय निकायमा जनप्रतिनिधि पाएका थिएनन् । जिल्लाका नेता कार्यकर्ताको व्यवस्थापन हुन सकेको थिएन । सांसदमा केही केन्द्रीय नेता लड्ने,अनि अरु कार्यकर्ता लड्ने त स्थानीय चुनावमा हो । यो अवसर नगुमाउँ भनेर धेरैपटक भनियो ।

एउटा पार्टी जबसम्म चुनावमा भाग लिँदैन,जनतामा जाँदैन भने त्यो पार्टीको के अर्थ हुन्छ ? यही भएर हामीले पार्टी छाडेका हौं ।

तपाई त नेतृत्व तहमा रहेको व्यक्ति,राजपाले चुनावमा भाग नलिनुको कारण मधेसको मुद्दामात्र हो कि अरु नै केही छ ?

मुख्य कुरा त अध्यक्ष मण्डलका अध्यक्षहरुमा चुनाव जितिन्छ भन्ने आत्मविश्वासनै रहेन । पार्टी एकीकरण भए पनि कमिटीहरु बनेका छैनन् । अहिलेसम्म पार्टी दर्ता भएको छैन । छाप पनि पाएको छैन । यस्ता कुरा पनि हुन्,तर त्यतिले चुनावमा जान रोकिने कुरा थिएन । उहाँहरु दिग्भ्रमित र दिशाहीन अवस्थामा हुनुहुन्छ । अरुले नै नचाइरहेको हो कि जस्तो लाग्छ ।

जहाँसम्म मधेसको मुद्दाको कुरा छ,मधेसको मुद्दा कुनै दलको पेवा त होइन । उपेन्द्र यादवजी पनि चुनावमै हुनुहुन्छ । अरु सबै दल चुनावमै छन् । संविधान संशोधन राजपाले चाहेर पारित हुने पनि होइन ।

एमालेलाई प्रमुख दुश्मन भनेर अनि त्यही एमालेले उहाँहरुका माग पूरा गरिदिनुपर्ने कुरा मिलेन । त्यही भएर म एमालेभित्रै रहेर जायज कुरामा संविधान संशोधन गराउन पार्टी नेतृत्वलाई सहमत गराउन सकिन्छ भनेर आएको हो । मैले संविधान संशोधनको मुद्दा छाडेर एमाले प्रवेश गरेको होइन ।

प्रदेश नम्बर २ मा चुनाव असोजमा सरेको छ, तपाईहरुको अहिले एमाले प्रवेशको अर्थ राजपा फेरि पनि चुनावमा जाँदैन भन्ने हो ?

राजपाको नेतृत्व संकटमा छ । उहाँहरु अध्यक्ष मण्डलकै कुरा मिलेको छैन । अब अहिलेकै अवस्थामा उहाँहरु असोजमा पनि चुनावमा भाग लिने सम्भावना मैले देखिरहेकी छैन । त्यही भएर हामीले पार्टी छाडेका हौं र तेस्रो चरणको चुनावसम्म अरु धेरै नेताले पार्टी छाड्छन् ।

चुनाव स्थगित भएकोमा मधेसमा विशेष गरी २ नम्बर प्रदशेमा जनता आक्रोशित छन् र निराश पनि छन् । कांग्रेस माओवादी र राजपाका नेता मिलेर मधेस भनेका ८ जिल्लामात्र होइन भन्ने पुष्टि गर्न खोजे । उनीहरुले देशमा विखण्डनको आधार तयार पारेको हो भन्छु म त । होइन भने २ नम्बर प्रदेशका जनतामाथि किन विभेद गरियो ? मतदानको अधिकारबाट किन बञ्चित गरियो ।

मधेसमा एमालेको अवस्था कस्तो होला ?

म त भर्खर एमाले प्रवेश गर्दैछु । तर, हामीले राजपामा वा मधेसी मोर्चामै हुँदा पनि देखेको कुरा के हो भने एमालेले मधेसमा भावनात्मक क्षति व्यहोरेको छ, तर सांगाठिक र जनमतको आधार भत्किएको छैन । अहिले त धेरैले विस्तारै बुझ्न थाले ।

एमाले विरुद्ध आन्दोलनका बेला नभएका कुरा पो आरोप लगाएका रहेछन् भनेर धेरै मान्छे एमाले प्रवेश गर्न थालेका छन् । केपी ओली सरकारको पालामा मधेसको पूर्वाधार र सामाजिक विकासमा लगाएको बजेटको बारेमा मधेसमा बल्ल छलफल शुरु भएको छ । मलाई लाग्छ २ नम्बर प्रदेशमा एमाले पहिलो हुनेछ ।

अहिले मधेसमा धेरै नेताहरु टिकट पाउने शर्तमा एमाले प्रवेश गरिरहेका छन, तपाई पनि अब असोजमा हुने चुनावमा उम्मेदवार बन्ने गरि एमाले प्रवेश गर्नुभएको हो ?

होइन बिल्कुल होइन । म स्थानीय चुनाव लड्ने होइन । अहिले तत्कालै केही चाहियो भनेर मागेर आएको पनि होइन । बिनाशर्त एमाले प्रवेश गरेकी हुँ ।

मधेसको अधिकार, मधेसी जनता र मधेसी महिलाको पक्षमा एमालेमा रहेर काम गर्नका लागि आएकी हुँ । अब चुनाव लड्दा सांसदकै लड्ने हो । पार्टीमा उपयुक्त जिम्मेवारी दिने भनेर अध्यक्ष केपी ओलीले नै भन्नुभएको छ ।

तपाईको प्रतिक्रिया

स्थानीय चुनाव बिशेष

पर्साको बहुदरमाई नगरपालिका

पर्साको बहुदरमाई नगरपालिका

बीरगंजको मतगणना कार्य शुरु

बीरगंजको मतगणना कार्य शुरु

पर्साको पर्सागढी नगरपालिका अपडेट

पर्साको पर्सागढी नगरपालिका अपडेट पर्साको कालिकामाई गाउपालिका  नेपाल संघीय समाजबादी  १८० कांग्रेस १२९ फोरम १२२

अन्तराष्ट्रिय

उत्तर कोरियाले जापानतर्फ फेरि अर्को मिसाइल छोड्यो

उत्तर कोरियाले राजधानी प्योङयाङबाट पूर्वी दिशामा जापानतर्फ फेरि एक मिसाइल छोडेको छ ।

मुम्बईमा भवन भत्कँदा ११ को मृत्यु

मुम्बईमा भवन भत्कँदा ११ को मृत्यु

अमेरिकी सैन्य अखडामा कोरियाले आक्रमण गर्ने चर्चा

उत्तर कोरियाले प्रशान्त महासागरमा अमेरिकी स्वामित्वमा रहेको गुआम टापुमा हमला गर्ने तयारी गरिरहेको उत्तर कोरियाली समाचार संस्थाहरुले जनाएका छन् ।


विचार/ब्लग

नेपाल प्रहरीको उदाउँदो किरण: सर्बेन्द्र खनालको आगामि यात्रा

श्रावन ०५ बिहीवार, हेटौंडा । गृह मन्त्रालयका बढुवा समितिले भर्खरै गरेको एस.एस.पि.को बढुवा सिफारीसमा १५ जना प्रतिस्पर्धीलाई उछिन्दै कार्यसम्पादनको आधारमा डि.आई.जि.को बढुवा सिफारीसमा १ नम्बरमा पर्न सफल हुनु भएको छ ।