‘मैले क्लब लिग गर्न अनुमति दिएको हुँ, सम्झौताअनुसार नभए प्रतियोगिता रोक्नसक्छु’

   
104   पटक पढिएको

असार ५ देखि काठमाडौंमा हुने भनिएको एसियन प्रिमियर लिगलाई लिएर आशंकाहरु उब्जिएको छ । नेपाली खेलाडीको सहभागिता तथा आयोजकको पादरर्शीतामाथि क्रिकेट खेलाडी संघले समेत प्रश्न उठाएको छ । तर, आयोजनाका लागि अनुमति दिने राष्ट्रिय खेलकुद परिषद् मौन छ । निकै प्रयासपछि राखेप सदस्य सचिव केवश विष्ट टेलिफोन सम्पर्कमा आए । उनीसँग राजकुमार श्रेष्ठले गरेको कुराकानीः

एसियन प्रिमियर लिगलाई लिएर धेरै प्रश्न उठेको छ । यसको ओनरदेखि नेपाली खेलाडीहरुको सहभागिता लगायतका विषयमा प्रष्ट भएन भन्ने छ नी? 

यो भनेको कुनै निजी संस्थाले नेपालमा क्लब लिग गर्ने भनेर स्वीकृति माग्न आयो र हामीले नियमानुसार स्वीकृति दियौं । को खेलाडी खेल्छ, को खेल्दैन, खेलाडीको इच्छाको कुरा हो । नेपाल टिम सहभागी भएको होइन । नेपालको कुनै क्लब सहभागी हुन्छ । यो धेरैले बुझेको छैन ।

तर, आयोजकले त क्लब लिग होइन, एसियन प्रिमियर लिग भनेका छन् नी ?

उहाँहरुले के भन्नुभो त्यो छोडिदिनुस्, म के भन्छु, त्यो सुन्नुस् । हामीसँग एसियन क्लब प्रिमियर लिग भनेर सहमति भएको छ । क्रिकेट काउन्सिल अफ चण्डिगढ भन्ने संस्थाले अनुमति माग्यो । यो अनुमति दिन मैले एसीसी, आईसीसी कसैसँग अनुमति लिनु पर्दैन । हाम्रो आफ्नो प्रावधानअनुसार स्वीकृति दिएँ । यसमा एक रुपैयाँ लगानी पनि छैन, नेशनल टिम खेल्ने पनि होइन । अब कुन खेलाडीलाई खेलाउँछ, खेलाउँदैन उनीहरुको कुरा हो ।

यसमा नेपाली खेलाडीको सहभागिता राखेपको चासोको विषय नै बनेन ?

नेपाल देश सहभागी हुने होइन । कुनै क्लबमा कुनै खेलाडी खेल्छ/खेल्दैन भन्ने चासो हुनु नहुनुमा के सम्वन्ध छ ? मैले कुनै खेलाडीलाई जबरजस्ती खेल भन्न पनि सक्दिनँ । खेलाउनेलाई जबरजस्ती खेलाउ पनि भन्न पनि सक्दिन ।

उसो भए नेपालमा यो लिग हुनुको फाइदा के त ?

फाइदा थुप्रै छन् । तपाई लेख्नुहुन्छ ?

भन्नुस् न, प्लिज ?

एक, नेपालमा इन्टरनेशनल टुर्नामेन्ट हुँदैछ । दोस्रो, नेपाली खेलाडीलाई उनीहरुले अक्सनमा सहभागी गराउँदैछन् ।

मैले तपाईलाई बीचमा रोकेँ, आयोजकले अक्सन पारदर्शी रुपमा गरेनन् । लिग आयोजकले आईसीसी वा एसीसीको अनुमति नभए खेलाडी रिलिज गर्दिँन भनेर राष्ट्रिय टोलीका प्रशिक्षकले पनि भनेका छन् ।

तपाई मेरो कुरा नसुन्ने अनि तपाईको कुरा मात्र मैले सुन्नु पर्ने ?

ल भन्नुस्

यदि तपाईसँग कुनै पूर्वाग्रह छैन भने, कसैले तपाईलाई परिचालन गरेको छैन भने मेरो कुरा सुन्नुस् । नेपालमा इन्टरनेशनल टुर्नामेन्ट हुँदैछ । नेपालको दर्शकले हेर्न पाउँछ । नेपाली खेलाडीलाई खेल्न प्रतिवन्ध लगाएको छैन । तर, कोही खेल्दिनँ भनेर बस्छ भने खेल्दैन । तेस्रो, उसले हामीलाई ग्राउण्ड भाडा तिरेको छ । चौथो, यसले नेपालमा करोडौं रुपैयाँ आउँछ । स्पोट्स टुरिजम विकास गर्ने हो भने अन्तराष्ट्रिय इभेन्टमा सहयोग गर्नुपर्छ ।

कुनै आयो नेपालमा भने आलोचना गर्ने, शंका गर्ने, लखेट्ने, हामीलाई पुछिएन, मैले खेल्न पाइँन भन्नुको अर्थ हुँदैन । हामीले एउटा-एउटा मान्छेलाई होइन, देशलाई हेर्ने हो । यस्ता खालका इभेन्ट नेपालमा थुप्रै आउनुपर्छ, खेलकुदबाट नेपालको अर्थतन्त्रको विकास गर्न सक्छौं । तर, यहाँ एसीसी-आईसीसीले कारबाही गर्छ भनेर रोकिराखेको छ । यो आईसीसी र एसीसीको चासोको विषय होइन, नेपालको हितमा हेर्ने हो तर, र्‍युमर(हल्ला) फैलाइएको छ ।

तपाईले नेपाली खेलाडीलाई प्रतिवन्ध लगाइएको छैन भन्नु भो । तर, अक्सनमा नेपाली खेलाडी को-को परे नै थाहा छैन । यतिसम्म कि नेपाली राष्ट्रिय टोलीका कुनै खेलाडीलाई प्रतियोगिताबारे जानकारी समेत छैन ।

तपाईले बुझ्नु भएको छ नेपाली खेलाडीलाई कसले रोकेको छ ?

कसैले रोकेका होइन, क्रिकेट टिमका प्रशिक्षकले हामीसँगै यदि आईसीसीको अनुमति छैन भने म प्लेयर रिलिज गर्न सक्दिन भनेर भनेका मात्र हुन्

उ नेपाली खेलाडीको ठेकदार हो ? किन रोकेको ? उसको अधिकार हो ? को हो उ ?

नेपालको राष्ट्रिय टोलीका प्रशिक्षक हुन् नी त ।

नेपाल टिम सहभागी हुँदा मात्र उनी कोच हुन् । नेपालको कोच भनेको राष्ट्रिय खेलकुद परिषदको कर्मचारी हो । परिषदले स्वीकृति दिएको छ । तर, यहाँ व्यक्तिगत रुपमा आग्रह पूर्वाग्रहले काम गरेको छ । कसले कति बार्गेनिङ गरिरहेको छ, सबै मलाई थाहा छ । उनलाई सोधिएन, मानिएन भनेर भ्रम फैलाउने ?

ए, उसो भए यो जे भएको थियो साह्रै राम्रो थियो । प्रश्न उठाउने नेपाली खेलाडी र प्रशिक्षक दोषी हुन् ?

कोचको गल्ती छ । खेलाडीलाई रोक्ने उसको अधिकार छ ? खेलाडीको व्यक्तिगत स्वतन्त्रता हुँदैन ? तँलाई एसीसी, आईसीसीले कारबाही गर्छ भनेर डर देखाएको छ । यदि रोक्नु पर्ने भए राष्ट्रिय खेलकुद परिषदले रोक्छ नि । तर, खेलाडी कोच वा क्याप्टेनको निजी सम्पत्ति होइन ।

टिमको कोचले क्यान निलम्बनमा रहेको र आईसीसीले हेरिरहेकाले अनुमति चाहिन्छ, नभए भोलि अप्ठ्यारो पर्न सक्छ, प्रतिवन्ध लाग्नसक्छ भनेर सचेत गराउनु के गल्ती भयो र ?

टिमको कोच भनेको ठेकदार होइन । अर्को कुरा यो खेल खेल्दा किन आईसीसीले कारबाही गर्छ ?

तपाईलाई सन् २००७ देखि ०९ सम्म भारतमा भएको आईसीएल र त्यहाँ खेल्ने खेलाडीमाथि भएको कारबाही त थाहा नै होला ?

इण्डियामा कन्ट्रीवाइज भएको थियो । मैले क्लब लिग भनेर अनुमति दिएको हुँ । आयोजकले भोलि बादमासी गरे र सम्झौताअनुसार भएन भने कारबाही गर्छु र प्रतियोगिता नै रोक्नसक्छु । तर, हुनुभन्दा पहिला नै भ्रम फैलाइयो ।

 तपाई भन्नुहुन्छ, क्लब लिग गर्छु भनेर सम्झौता गरेको छ । आयोजक भन्छ, एसियन प्रिमियर लिग खेलाउँछु । उनीहरुको ब्यानरदेखि ट्रफी कतै क्लब भन्ने शब्द छैन, सञ्चार माध्यमहरुमा आएको तस्वीर त पक्कै हेर्नु भयो नै होला । तर, आयोजकमाथि प्रश्न त उठ्यो नि !

सम्झौता भन्दा फरक देखियो र मैले एक्सन लिइसकेँ । उनीहरुले पुरानो मोडल यही हो । कन्ट्रीवाइज गर्न आईसीसीको स्वीकृति लिनुपर्छ भनेर मैले नै क्लब हालेको हो । र, यदि सम्झौता अनुसार भएन भने म खारेज गर्छु भनेको छु । र, उसले सम्झौता अनुसार हुन्छ भनेको छ । भोलि, पर्सिसम्म पर्खिनुस् । तर, खेल रोक्नु त भएन नि ।

खेल त कसले रोकेको छ र ?

रोक्नेको नियत इमान्दारिपूर्वक छ ? खेलाडीलाई नजा भन्न मिल्छ ?

नजा भनेको होइन होला, आईसीसीको अनुमति भए मात्र दिन्छु भनेको हो कि ?

खेलाडीलाई जान दिन्छु वा दिन्न भन्ने को हो ? क्यान नभए पनि राखेप छ, खेल्न जाने/नजाने त्यहाँ पो सोध्ने हो त । तर, कोही व्यक्तिले खेलाडीलाई खेल्न जा कि नजा भन्न मिल्दैन ।

यो प्रतियोगिताले यू-१९ को बन्द प्रशिक्षणलाई पनि प्रभावित पार्ने देखियो नि ।

ट्रेनिङ गराउने जिम्मा हामीले लिन्छौं । बन्द प्रशिक्षण छ भनेर मैले बल्ल थाहा पाएको छु । यो लिगको प्रक्रिया अघि बढाउँदा र ग्राउण्ड बुक गर्दा मैले सल्लाहकार समूहका विनयराज पाण्डे र जगत टमाटासँग सल्लाह गरेको छु ।

समस्या त देखियो । अब समस्या कसरी हल गर्ने त ?

केही समस्या छैन, म हल गर्छु । यू-१९ को क्लोज क्याम्प जम्मा चार दिन प्रभावित हुने रहेछ । मैले बैकल्पिक मैदान तयार गर्न भनेको छु । त्यसपछि उनीहरु भारत जान्छन् ।

तर, यहाँ केही निहित स्वार्थले विगारेको छ । मैले त नेपालको हितमा हुन्छ, क्रिकेटको हितमा हुन्छ भनेर गरेको । खेलाडीलाई पनि मन पर्दैन, पत्रकारलाई पनि मन पर्दैन, कसैलाई पनि मन पर्दैन भने किन गर्नु ?

मन पर्ने/ नपर्ने भन्दा पनि नेपालमा हुने टुर्नामेन्टबाट नेपाली खेलाडीले लाभ लिउन् र प्रतियोगिताको आयोजना पनि पारदर्शी रुपमा होस् भनेको न हो ?

परादर्शी भनेको के ? हामीले पैसा खर्च गरेको छैन । हामीले दिएको स्वीकृति परादर्शी नै छ, यो भोलि नै म सार्वजनिक गरिदिन्छु । खेलाडी अक्सन गरेको छ । जाँदैनन् भने खेलाडीको कुरा भयो ।

तर, हिजो एनपीएल गर्दा हामी कहाँ फस्यौं र आज के भोगिरहेका छौं भनेर त हामीले भन्दा बढी तपाईहरुले नै बुझ्नु भएको होला ?

मैले बुझेको छु र सल्लाहकार समूहका विजयराज पाण्डेसँग छलफल गराएरै गरेको हो । प्राविधिक कुरा मैले जगत टमाटासँग सल्लाह गरेको हुँ । दुबैको सहमतिमा भएको हो । मात्र यू-१९ को क्लोज क्याम्प केही दिन जुधेछ । अब दिनु हुँदैनथ्यो भन्ने सबैलाई लाग्छ भने रोकिदिन्छु ।

तपाईको प्रतिक्रिया

स्थानीय चुनाव बिशेष

बन्द रहेका बिचिकाली र कृषि औजार पुनः संचालनमा ल्याउनु नै मेरो प्रमुख उदेश्य  उम्मेदवार सर्राफ

बन्द रहेका बिचिकाली र कृषि औजार पुनः संचालनमा ल्याउनु नै मेरो प्रमुख उदेश्य  उम्मेदवार सर्राफ

बिरगञ्ज महानगरका टोलबासी भन्छन बिकाश हुन्छ भन्ने कुरामा बिशवाश लागदैन

राम मण्डल मंसिर ४ बीरगञ्ज  बिरगञ्ज महानगरका टोलबासी भन्छन बिकाश हुन्छ भन्ने कुरामा बिशवाश लागदैन

उम्मेदवारले समाजमा गरेको लगानी, योगदान र चरित्रको आधारमा मात्र मतदान गरौं उम्मेदवार सर्राफ

उम्मेदवारले समाजमा गरेको लगानी, योगदान र चरित्रको आधारमा मात्र मतदान गरौं उम्मेदवार सर्राफ

अन्तराष्ट्रिय

उत्तर कोरियाले जापानतर्फ फेरि अर्को मिसाइल छोड्यो

उत्तर कोरियाले राजधानी प्योङयाङबाट पूर्वी दिशामा जापानतर्फ फेरि एक मिसाइल छोडेको छ ।

मुम्बईमा भवन भत्कँदा ११ को मृत्यु

मुम्बईमा भवन भत्कँदा ११ को मृत्यु

अमेरिकी सैन्य अखडामा कोरियाले आक्रमण गर्ने चर्चा

उत्तर कोरियाले प्रशान्त महासागरमा अमेरिकी स्वामित्वमा रहेको गुआम टापुमा हमला गर्ने तयारी गरिरहेको उत्तर कोरियाली समाचार संस्थाहरुले जनाएका छन् ।


विचार/ब्लग

नेपाल प्रहरीको उदाउँदो किरण: सर्बेन्द्र खनालको आगामि यात्रा

श्रावन ०५ बिहीवार, हेटौंडा । गृह मन्त्रालयका बढुवा समितिले भर्खरै गरेको एस.एस.पि.को बढुवा सिफारीसमा १५ जना प्रतिस्पर्धीलाई उछिन्दै कार्यसम्पादनको आधारमा डि.आई.जि.को बढुवा सिफारीसमा १ नम्बरमा पर्न सफल हुनु भएको छ ।