ओली र प्रचण्डद्वारा कार्यदललाई काम सुरू गर्न निर्देशन

   
27   पटक पढिएको

२६ पुस, काठमाडाैं । मंगलबार गठन गरिएको संयुक्त कार्यदललाई काम अघि बढाउन एमाले अध्यक्ष केपी शर्मा ओली र माओवादी केन्द्रका अध्यष प्रचण्डले निर्देशन दिएका छन् ।

राष्ट्रिय सभाका सदस्यहरुको निर्वाचन, प्रदेश सरकार र संसदको जिम्मेवारीबारे गृहकार्य गर्न गठन गरिएको कार्यदललाई अध्यक्षद्वयले निर्देशन दिएका हुन् ।

अध्यक्षद्वय ओली र प्रचण्डक्षसहित कार्यदलका सदस्यहरुको संयुक्त बैठक बुधबार बालकोटमा बसेको थियो ।

बैठकमा अध्यक्षद्वयले कार्यदलले काम गर्ने कार्यबिधि र कार्यदेशका बारेमा दिशानिर्देश समेत गरेका थिए ।

कार्यदलले राष्ट्रिय सभाको निर्वाचनमा साझा उम्मेदवार, प्रदेश सरकारको गठन, प्रदेशको मूख्यमन्त्री, सभामुख लगायतका विषयमा साझा धारणा बनाएर पार्टी एकता संयोजन समितिमा प्रतिवेदन पेश गर्नेछ ।

प्रतिवेदन तयार पार्दा दुबै दलले प्राप्त गरेको जनमत, व्यक्तित्व र योगदान, पार्टी एकताको गति र सन्तुलनलाई अधार बनाइने कार्यदलका सदस्य वर्षमान पुनले जानकारी दिए ।

कार्यदलले बिहीबारबाटनै काम सुरु गरेर छिटो प्रतिवेदन पेश गर्ने र प्रतिवेदन भन्दा पहिलेनै पार्टी एकता भएमा कार्यदलको प्रतिबेदनसहित बाँकी जिम्मेवारी स्वतः एकीकृत तहको शीर्ष कमिटीमा जाने पुनले बताए ।

कार्यदलमा माओवादीबाट रामबहादुर थापा, बर्षमान पुन र मातृका यादव रहेका छन् भने एमालेबाट सुवास नेम्वाङ, शङकर पोखरेल र सुरेन्ऽ पाण्डे रहेका छन् ।

तपाईको प्रतिक्रिया

अन्तराष्ट्रिय

१३ सन्तानलाई चेन र तालाले बाँधेर राख्ने आमा बुवा पक्राउ

१३ सन्तानलाई चेन र तालाले बाँधेर राख्ने आमा बुवा पक्राउ


विचार/ब्लग

नेपाल प्रहरीको उदाउँदो किरण: सर्बेन्द्र खनालको आगामि यात्रा

श्रावन ०५ बिहीवार, हेटौंडा । गृह मन्त्रालयका बढुवा समितिले भर्खरै गरेको एस.एस.पि.को बढुवा सिफारीसमा १५ जना प्रतिस्पर्धीलाई उछिन्दै कार्यसम्पादनको आधारमा डि.आई.जि.को बढुवा सिफारीसमा १ नम्बरमा पर्न सफल हुनु भएको छ ।