सरकारले निजामती कर्मचारीलाई दिएको जग्गामा राजपा कार्यालय

मधेसी कर्मचारीका अध्यक्ष भन्छन्- आफ्नो मान्छेलाई बस्न दिँदा थोडी कानुन लाग्छ ?

   
107   पटक पढिएको

१८ साउन, काठमाडौं । सरकारले निजामती कर्मचारीलाई पेशागत गतिविधि गर्न दिएको जग्गामा राजनीतिक दलको कार्यालय राख्न मिल्छ कि मिल्दैन ? मधेसी निजामती कर्मचारी मञ्चको कार्यालय भवनमा राष्ट्रिय जनता पार्टीको केन्द्रीय कार्यालयको साइबोर्ड झुण्डिएपछि यो प्रश्न उठेको छ ।

बुधवार मध्यान्ह बबरमहलस्थित सरकारले भोगचलनका लागि दिएको जग्गामा बनेको कर्मचारी मञ्चको भवनमा राजपाको कार्यालय बिधिवत उदघाटन भयो । पार्टी कार्यालयको उदघाटन राजपा अध्यक्ष मण्डलका अध्यक्ष महन्थ ठाकुरले गरेका थिए ।

यसअघि राजपाको केन्द्रीय कार्यालय थिएन । राजपा बन्नुअघिका दलहरुका आ-आफ्ना कार्यालय थिए । पछिल्लो समय राजपाको बैठक तत्कालिन तराई मधेस लोकतान्त्रिक पार्टीको बिजुलीबजारस्थित कार्यालयमा बस्ने गरेको थियो ।

निजामती कर्मचारीको पेशागत संगठनलाई भोगचलन गर्न दिएको सरकारी जग्गामा पार्टी कार्यालय भवन राख्न मिल्दैन । तर राजपा अध्यक्ष मण्डलका सदस्य राजेन्द्र महतोले भने केही समयका लागि मात्र यो ठाउँमा पार्टी कार्यालय राखिएको बताए । उनले भाडा तिरेर बस्न लागेको बताएका छन् ।

सरकारले भने पेशागत संगठन बाहेक अन्य राजनीतिक दल वा भातृ संगठनहरुले सरकारी सम्पत्ति प्रयोग गर्न नपाउने बताएको छ । यस्ता ठाउँ भाडामा लगाउन वा व्यवसायिक प्रयोजनमा समेत प्रयोग गर्न नपाइने व्यवस्था छ ।

सामान्य प्रशासन मन्त्रालयका सचिव मोहनकृष्ण सापकोटाले सरकारी जग्गामा पार्टी कार्यालय राख्न नमिल्ने बताए । उनले राजपाको कार्यालय मधेसी निजामति कर्मचारी मञ्चको कार्यालय भवनमा सरेकोबारे भने अनविज्ञता जनाए ।

निजामती कर्मचारीहरुको आधिकारिक ट्रेड युनियनका अध्यक्ष पुण्य ढकालले कर्मचारी संघ संगठनहरुलाई सरकारले दिएको ठाउँमा पार्टी कार्यालय राख्ने कुरा गलत भएको प्रतिक्रिया दिए । उनले यस्तो क्रियाकलापले निजामती कर्मचारी संगठनहरु बिबादमा आउने र जनतामा राम्रो सन्देश नजाने बताए ।

ढकालले भने- यदि मञ्चको कार्यालयमा राजपा कार्यालय सारिएको हो भने यो ठीक भएन । भोलि युनियनको कार्यालयमा कांग्रेसको साइनबोर्ड राखिएला, संगठनको कार्यालयमा एमालेको झण्डा गाडिएला यसले त पेशागत मर्यादा समाप्त हुन्छ । सरकारले जुन प्रयोजनका लागि दिएको त्यसमा मात्र सरकारी साधन स्रोत प्रयोग गर्नुपर्छ ।

बबरमहलस्थित वन बिभागसँगैको सरकारी जग्गामा निर्मित भवनमा राजपा कार्यालय सञ्चालन भइसकेको छ । सोही कार्यालयमा राजपाको पहिलो बैठक समेत बसेको छ । राजपा नेताहरु कतिपयले भाडा तिरेर बसिएको बताएका छन् भने कतिपयले अस्थायी मुकाम बनाइएको बताएका छन् ।

‘यो कौनसा ठूलो बात भयो ?’

मधेसी निजामती मञ्चका अध्यक्ष विनोदकुमार सिंहले तत्काल केही दिनका लागि राजपालाई कार्यालय राख्न भवन दिइएको बताए । ९ कोठे भवनमध्ये ८ कोठा राजपालाई दिइएको छ । एउटा कोठा मञ्चले प्रयोग गर्ने भएको छ ।

सरकारले दिएको जग्गामा पार्टी कार्यालय राख्न दिन मिल्छ ? भन्ने अनलाइनखबरको प्रश्नमा सिंहले भने, ‘उहाँहरु अर्को ठाउँ खोज्दै हुनुहुन्छ । केही दिनको लागि त मिलिहाल्छ नि । आफ्नो मान्छेलाई केही दिन बस्न दिँदा थोडी नियम कानुन लाग्छ ?’

‘आफ्नो मान्छे’लाई केही दिन बस्न दिनु र राजनीतिक दलको कार्यालय राख्नु एउटै भएको प्रतिक्रिया उनले थिए । ‘राजेन्द्र महतोजी, महन्थ ठाकुरजी आफ्नो मान्छे हुनुहुन्छ त उहाँहरुको पार्टी कार्यालय केही दिन राख्नु कौनसा ठूलो बात भयो ?’ उनले भने ।

यस्तो छ जग्गा प्राप्तिको कहानी

नेपाल सरकारले मन्त्रिपरिषदबाट निर्णय गरेर ०६८ सालमा निजामती कर्मचारीका तीनओटा राष्ट्रिय संगठनहरुलाई बबरमहलमा एक-एक रोपनी जग्गा भोगाधिकार दिएको थियो ।

एमाले सम्बद्ध निजामती कर्मचारी संगठन, कांग्रेस सम्बद्ध कर्मचारी युनियन र मधेसी मोर्चा आबद्ध कर्मचारी मञ्चले सरकारी जग्गा पाएका थिए । सो जग्गामा निजामती कर्मचारीका पेशागत संगठन बाहेक अरु कार्यालय राख्न नपाउने र व्यवसायिक प्रयोजनमा लगाउन पनि नपाइने शर्त छ ।

मञ्चले सरकारी जग्गामा ०७२ सालमा भवन बनाएको थियो । युनियनको भवन पनि मञ्चसँगै छ । संगठनको भवन केही पर छ । माओवादी आबद्ध कर्मचारी संगठनलाई भने भृकुटी मण्डपमा कार्यालय दिइएको छ ।अनलाइनखबर डट कमबाट

तपाईको प्रतिक्रिया

स्थानीय चुनाव बिशेष

बन्द रहेका बिचिकाली र कृषि औजार पुनः संचालनमा ल्याउनु नै मेरो प्रमुख उदेश्य  उम्मेदवार सर्राफ

बन्द रहेका बिचिकाली र कृषि औजार पुनः संचालनमा ल्याउनु नै मेरो प्रमुख उदेश्य  उम्मेदवार सर्राफ

बिरगञ्ज महानगरका टोलबासी भन्छन बिकाश हुन्छ भन्ने कुरामा बिशवाश लागदैन

राम मण्डल मंसिर ४ बीरगञ्ज  बिरगञ्ज महानगरका टोलबासी भन्छन बिकाश हुन्छ भन्ने कुरामा बिशवाश लागदैन

उम्मेदवारले समाजमा गरेको लगानी, योगदान र चरित्रको आधारमा मात्र मतदान गरौं उम्मेदवार सर्राफ

उम्मेदवारले समाजमा गरेको लगानी, योगदान र चरित्रको आधारमा मात्र मतदान गरौं उम्मेदवार सर्राफ

अन्तराष्ट्रिय

उत्तर कोरियाले जापानतर्फ फेरि अर्को मिसाइल छोड्यो

उत्तर कोरियाले राजधानी प्योङयाङबाट पूर्वी दिशामा जापानतर्फ फेरि एक मिसाइल छोडेको छ ।

मुम्बईमा भवन भत्कँदा ११ को मृत्यु

मुम्बईमा भवन भत्कँदा ११ को मृत्यु

अमेरिकी सैन्य अखडामा कोरियाले आक्रमण गर्ने चर्चा

उत्तर कोरियाले प्रशान्त महासागरमा अमेरिकी स्वामित्वमा रहेको गुआम टापुमा हमला गर्ने तयारी गरिरहेको उत्तर कोरियाली समाचार संस्थाहरुले जनाएका छन् ।


विचार/ब्लग

नेपाल प्रहरीको उदाउँदो किरण: सर्बेन्द्र खनालको आगामि यात्रा

श्रावन ०५ बिहीवार, हेटौंडा । गृह मन्त्रालयका बढुवा समितिले भर्खरै गरेको एस.एस.पि.को बढुवा सिफारीसमा १५ जना प्रतिस्पर्धीलाई उछिन्दै कार्यसम्पादनको आधारमा डि.आई.जि.को बढुवा सिफारीसमा १ नम्बरमा पर्न सफल हुनु भएको छ ।