लमजुङमा दुई विद्यार्थी प्रथम

   
234   पटक पढिएको

बेसीशहर - यसबर्षको माध्यमिक शिक्षा परीक्षा (एसइई) अन्तर्गत लमजुङमा दुइजनाले बराबरी नम्बर ल्याएर प्रथम भएका छन् ।
बेसीसहरस्थित बुद्ध मेमोरियल बोर्डिङ स्कुलकी रितु श्रेष्ठ र धमिलिकुवास्थित शैलपुत्री माविका समीर सेढाइ“ जिल्ला प्रथम भएका हुन् । दुवैले ३.९ जीपीए (९७.५ प्रतिशत) अंक ल्याएका छन् । जिल्ला शिक्षा कार्यालयले यसलाई प्रारम्भिक नतिजा भनेको छ । शिक्षा कार्यालयका शाखा अधिकृत बाबुराम बरालले दुवैजनाको जीपीए बराबर रहेको बताए । जिल्लाको सवै नतिजा थाह पाउन अझै १÷२ दिन लाग्ने उनले बताए । 

एसईईमा प्रथम भएका समीरले विज्ञान विषय लिएर पढ्ने बताए । ‘सामुदायिक स्कुलमा पढेर पनि जिल्ला प्रथम हु“दा खुसी लागेको छ’ उनले भने । उनी शैलपुत्री माविका प्रधानाध्यापक बुद्धराज सेढाइ“का छोरा हुन् । बेसीसहर नगरपालिका ११, रामचोकबेंसी (साविक चिती ७) का स्थायीवासिन्दा प्रधानाध्यापक सेढाइ“ले पढाउने क्रममा आफू जहा“ पुग्छ त्यहीको विद्यालयमा लगेर छोरालाई पढाउने गरेको बताए ।


रितुले एसईईमा जिल्ला प्रथम हु“दा खुसी लागेको बताइन् । ‘अझै सोंचे अनुरुपको नम्बर प्राप्त गर्न सकिन । अझै केही बढी आउने आश थियो’ उनले भनिन् । 
विद्यालयका प्रिन्सीपल शिवेन्द्र क“डेलले रितुमा एक प्रकारको छुट्टै प्रतिभा रहेको बताए । रितुकी आमा सुमित्रा र बुवा प्रेमकुमार दुवै शिक्षक हुन् । श्रेष्ठ परिवार बेंसीसहर नगरपालिका ८, नारायणस्थान चोकका स्थायी बासिन्दा हुन् ।

एसईईमा लमजुङबाट ३ हजार ४ सय ८ जना परीक्षार्थी सहभागि थिए । कूल ३ हजार ४ सय ६१ जना परीक्षार्थीले आवेदन दिएकोमा ५३ जना अयोग्य थिए । शिक्षाका अनुसार नियमिततर्फ ३ हजार ३ सय ४९ जना र एक्जाम्टेड ३० जना र ग्रेड बृद्धि तर्फ ८२ जना परीक्षार्थी थिए । 

तपाईको प्रतिक्रिया

अन्तराष्ट्रिय

भारतमा दुई कार एकअापसमा ठोक्किँदा नौ जनाको मृत्यु

भारतमा दुई कार एकअापसमा ठोक्किँदा नौ जनाको मृत्यु

अमेरिकामा बन्दुक बहसः ‘बम्प–स्टक’ प्रयोगमा प्रतिवन्ध लगाउने ट्रम्पको घोषणा

अमेरिकामा बन्दुक बहसः ‘बम्प–स्टक’ प्रयोगमा प्रतिवन्ध लगाउने ट्रम्पको घोषणा

डिभी चिठ्ठा बन्द गर्ने विधेयक अमेरिकी संसदबाट अस्वीकृत, नेपालीलार्इ राहत

डिभी चिठ्ठा बन्द गर्ने विधेयक अमेरिकी संसदबाट अस्वीकृत, नेपालीलार्इ राहत


विचार/ब्लग

नेपाल प्रहरीको उदाउँदो किरण: सर्बेन्द्र खनालको आगामि यात्रा

श्रावन ०५ बिहीवार, हेटौंडा । गृह मन्त्रालयका बढुवा समितिले भर्खरै गरेको एस.एस.पि.को बढुवा सिफारीसमा १५ जना प्रतिस्पर्धीलाई उछिन्दै कार्यसम्पादनको आधारमा डि.आई.जि.को बढुवा सिफारीसमा १ नम्बरमा पर्न सफल हुनु भएको छ ।