भ्याट लगाउने प्रक्रिया के हुने अलमलले कारोबार रोक्यौं : सेयर ब्रोकर

   
200   पटक पढिएको

१५ असार, काठमाडौं । करिब एक वर्षदेखि सेयर ब्रोकरहरुलाई मूल्य अभिवृद्धि कर (भ्याट) लगाउने तयारी गरिरहेको आन्तरिक राजस्व कार्यालयले ब्रोकरहरुलाई कमिसनमा भ्याट तिर्न पत्राचार गरेपछि बिहीवार ब्रोकर कम्पनीहरुले सेयर कारोबार स्थगित गरेका छन् ।

‘हामीले कारोबार स्थगित गरेका होइनौं, अहिलेसम्म भ्याट कसरी लगाउने भन्ने प्रक्रिया नै नबनेकोले बिहीवारको कारोबारमा भ्याट लाउन समस्या हुने देखेर कारोबार नगरेका हौं,’ सेयर ब्रोकर नरेन्द्र सिजापतिले भने ।

अहिले ब्रोकर कम्पनीहरु यसबारेमा छलफल गर्न धितोपत्र बोर्ड पुगेका छन् । बिहीवार आन्तरिक राजस्व कार्यालयले दुईवटा ब्रोकर इन्भेष्टमेन्ट म्यानेजमेन्ट र सुन्धारा सेक्युरिटिजलाई २०६९/७० देखिको भ्याट तिर्न पत्राचार गरेका छन् । अन्य ब्रोकर कम्पनीहरुलाई भने भ्याटमा दर्ता हुन पत्राचार गर्ने तयारीमा आन्तरिक राजस्व कार्यालय रहेको छ ।

इन्भेष्टमेन्टले ६० लाख र सुन्धाराले डेढ करोड रुपैयाँ भ्याट तिर्नुपर्ने भन्दै पत्राचार भएको छ । मूल्य अभिवृद्धि कर वापत ब्रोकर कम्पनीहरुले आफ्नो कमिसनको आधारमा १३ प्रतिशत भ्याट तिर्नुपर्ने हुन्छ । ब्रोकरहरुले यो कर ग्राहकहरु (सेयर लगानीकर्ताहरु) मार्फत् उठाउन पाउनु पर्ने माग गर्दै आइरहेका छन् । यसको भएमा सेयर कारोबारको लागत अहिलेकोभन्दा केही बढ्न सक्छ ।

यसअघि पनि लगानीकर्ताले प्रति कारोबार १३ प्रतिशत शुल्क तिर्नुपर्ने भ्रम फैलिएपछि बजार घटेको थियो । लगानीकर्ताहरुमा यसको भार सारिएमा पनि कारोबार लागत १३ प्रतिशतले भने वृद्धि हुदैन् ।

२०७४ असार १५ गते ११:२९ मा प्रकाशित

#

तपाईको प्रतिक्रिया

अन्तराष्ट्रिय

भारतमा दुई कार एकअापसमा ठोक्किँदा नौ जनाको मृत्यु

भारतमा दुई कार एकअापसमा ठोक्किँदा नौ जनाको मृत्यु

अमेरिकामा बन्दुक बहसः ‘बम्प–स्टक’ प्रयोगमा प्रतिवन्ध लगाउने ट्रम्पको घोषणा

अमेरिकामा बन्दुक बहसः ‘बम्प–स्टक’ प्रयोगमा प्रतिवन्ध लगाउने ट्रम्पको घोषणा

डिभी चिठ्ठा बन्द गर्ने विधेयक अमेरिकी संसदबाट अस्वीकृत, नेपालीलार्इ राहत

डिभी चिठ्ठा बन्द गर्ने विधेयक अमेरिकी संसदबाट अस्वीकृत, नेपालीलार्इ राहत


विचार/ब्लग

नेपाल प्रहरीको उदाउँदो किरण: सर्बेन्द्र खनालको आगामि यात्रा

श्रावन ०५ बिहीवार, हेटौंडा । गृह मन्त्रालयका बढुवा समितिले भर्खरै गरेको एस.एस.पि.को बढुवा सिफारीसमा १५ जना प्रतिस्पर्धीलाई उछिन्दै कार्यसम्पादनको आधारमा डि.आई.जि.को बढुवा सिफारीसमा १ नम्बरमा पर्न सफल हुनु भएको छ ।