कीर्तिपुरका मेयर र विद्युत प्राधिकरणको टकराव, मारमा जनता

   
94   पटक पढिएको

१५ असार काठमाडौं । बाटो विस्तारको विषयलाई लिएर कीर्तिपुर नगरपालिका र विद्युत प्राधिकरणवीच उत्पन्न द्वन्द्व उत्कर्षमा पुगेको छ ।

एकातर्फ अदालतको अवहेलना गर्दै नगरपालिकाले प्राधिकरणको संरचनामा डोजर चलाएको छ भने त्यसलाई जवाफ दिँदै प्राधिरकणले नगरपालिकाको विद्युत लाइन काटिदिएको छ ।

कीर्तिपुर नगरपालिकाकाले बाटो विस्तारको सिलसिलामा असार १ गते प्राधिकरणको कीर्तिपुर बितरण केन्द्रको पर्खाल भत्काएको थियो ।

प्राधिकरणको भवनसमेत भत्काउने नगरपालिकाको योजना थियो । यसलाई रोक्न प्राधिकरण पाटन उच्च अदालत गयो र अदालतले ९ गते नगरपालिकालाई भवन नभत्काउन अन्तरिम आदेश दियो ।

तर, अदालतको आदेश अवज्ञा गर्दै सोमबार बेलुका ५ बजे नगरपालिकाले १२ गते फेरि प्राधिकरणका संरचनामा डोजर चलायो । मेयर महर्जनले आफूकहाँ अन्तरिम आदेश नआइपुगेकाले भत्काएको दाबी गरे ।

त्यसको भोलिपल्ट १३ गते प्राधिकरणले महशुल नतिरेको भन्दै नगरपालिकाको विद्युत लाइन काटिदिएको छ ।

यसरी दुई सरकारी निकायवीचको द्वन्द्वले कीर्तिपुरबासी मारमा परेका छन् । आफ्नो संरचना भत्काइएको निहुँ गरेर प्राधिकरणको कीर्तिपुर वितरण केन्द्रले अहिले ग्राहक सेवा ठप्पजस्तै पारेको छ । प्राधिकरणमा पैसा तिर्न आएका कीर्तिपुरबासी यत्तिकै र्फकन बाध्य भएका छन् ।

यता नगरपालिका कार्यालय विद्युतविहीन बनेको छ । अत्यावश्यक कामका लागि जेनेरेटर चलाइन्छ । अन्यथा सेवाग्राहीले दुख पाइरहेका छन् । बुधबार दिउँसो मेयर रमेश महर्जनकोे कार्यकक्षमा न बत्ति बलेको थियो न त पंखा नै चलेको थियो ।

पसिना पुछ्दै मेयर महर्जनले अनलाइनअबरसँग भने, ‘प्राधिकरणले जनतालाई अनावश्यक कष्ट दिइरहेको छ । आफूले त सेवा दिन बन्द गर्‍यो-गर्‍यो, हामीले दिने सेवा पनि प्रभावित बनाइदिएको छ ।’

मेयर महर्जन नेकपा एमालेबाट निर्वाचित भएका हुन् । विद्युत प्राधिकरणका माओवादीकेन्द्र निकट कर्मचारीहरु उनका विरुद्ध खुलेर लागेका छन् ।

गत ९ गते एक प्रेस विज्ञप्ति निकाल्दै माओवादीनिकट नेपाल राष्ट्रिय कर्मचारी संगठन संयुक्तले मेयरलाई ‘भूमाफिया’को बिल्ला नै भिराइदियो ।

मेयर महर्जन भन्छन्, ‘दोस्रो चरणको चुनावको मुखैमा एमालेलाई बदनाम गर्न मलाई भुमाफियाको आरोप लगाइएको हो ।’

मेयरको अस्पष्ट योजना

कीर्तिपुर रिङरोड २.४ किलोमिटरको छ । ५/५ मिटर फराकिलो यो सडकमा दुईवटा गाडी सहजै आवत-जावत गर्न सक्दैनन् । त्यसैले रिङरोडलाई ‘वन वे’ गराइएको छ । कीर्तिपुरको रिङरोड अवलोकन गर्ने हो भने यसलाई तत्कालै ९/९ मिटरको फराकिलो बनाउनुपर्ने देखिन्छ ।

कीर्तिपुर पाँगादेखि कीर्तिपुर वितरण केन्द्रसम्मको सडक यसअघि ०७२ सालमै ९/९ मिटर फराकिलो गराइएको थियो । महर्जन थप ३ सय मिटर सडक यति नै फराकिलो गर्ने सोचमा छन् । पांगा दोबाटोदेखि कीर्तिपुर वितरण केन्द्रसम्म फराकिलो गरी फुटपाथसहितको सडक बत्ति राखेर नमूना सडक बनाउने उनको योजना छ ।

थप ३ सय मिटर सडक फराकिलो गर्दा कीर्तिपुर वितरण केन्द्रको अधिकांश संरचना भत्किन्छ । यहाँ फेरि वितरण केन्द्रको कार्यालय बनाउन ठाउँ नै पुग्दैन । यसै ठाउँमा नगरपालिकाको वडा कार्यालय पनि छ । तर यसलाई नगरपालिकाले भत्काएको छैन ।

मेयर भन्छन् -ढुक्क हुनुस् त्यो पनि भत्काइन्छ 

कहिलेसम्म र कसरी सडक फराकिलो पारिन्छ भन्ने स्पष्ट योजना भने उनीसँग छैन । अहिलेसम्म ९/९ मिटर सडक फराकिलो गर्नको लागि मार्किङ गर्नसमेत उनले सकेका छैनन् । आफ्नो कार्यकाल अर्थात ५ वर्षसम्ममा सडक फराकिलो पार्ने मेयर महर्जन बताउँछन् ।

तर, नगरपालिकाका एक कर्मचारी भन्छन्, ‘९/९ मिटर सडक फराकिलो पार्ने भनेर हल्ला गरियो, तर अहिलेसम्म मार्किङ गर्ने आँट पनि गर्न सक्या छैनन् । ३ सय मिटर मात्रै सडक फराकिलो गर्नुको कुनै औचित्य पनि छैन ।’

पछाडिको जग्गालाई फाइदा

कीर्तिपुर वितरण केन्द्रको पछाडिपट्टी झण्डै ६ रोपनी निजी जग्गा छ । सो जग्गाको अहिले कुनै बाटो छैन । बाटो अभावले यहाँ कुनै पनि घर बनेको छैन । अहिले यो ६ रोपनी जग्गामा मकै खेती गरिएको छ ।

प्राधिकरणको जग्गा खासीबजारपट्टी साँघुरिँदै गएको छ । साँघुरिएको स्थानतिर अहिले भवन बन्न सुरु भैसकेको छ । ९/९ मिटरको बाटो चौडा गर्ने हो भने त्यहाँ प्राधिकरणको भौतिक संरचना खासै रहन्न । केही जग्गा बाँकी रहे पनि त्यहाँ भवन बनाउन पुग्दैन ।

यही नै ठाउँमा मेयरले बाँकी रहेको जग्गालाई मुआब्जा दिएर भए पनि ट्राफिक आइल्यान्ड बनाउने योजनामा छन् । यसरी सरसर्ती हेर्दा मेयरले त्यहाँ भएको सार्वजनिक जग्गा सबैजसो सडकमा पार्न खोज्दैछन् । यसो गर्दा पछाडिपट्टी रहेको सार्वजनिक जग्गालाई बाटो खुल्नेछ ।

मेयर महर्जन भन्छन्, ‘पछाडिपट्टी कस्को जग्गा हो मलाई थाहा छैन, कीर्तिपुरमा १ किमी जति पाइलट प्रोजेक्टका रुपमा नमूना सडक बनाउँछु, अनि मात्रै अन्य ठाउँमा फराकिलो बनाउन सजिलो हुन्छ । त्यसैले प्राधिकरणको भवन भत्काउन लागेको हुँ ।’

किन काटियो विद्युतको लाइन ?

कीर्तिपुर नगरपालिकाका केही वडा कार्यालयले लामो समयदेखि विद्युत महशुल बुझाएका छैनन् । गत जेठ १९ गते महशुल नबुझाएका वडा कार्यालयमा लाइन काट्ने भनेर प्राधिकरण अघि बढेपछि नगरपालिकाले सबै वडाको महसुल तिर्ने आफ्नो दायित्व भएको र छिट्टै तिर्ने बताएको थियो ।

असार ४ गते प्राधिकरणले पुनः महशुल एक हप्ताभित्र तिर्न भन्दै नगरपालिकालाई पत्र पठाएको थियो । तर, एक हप्तामा महसुल नबुझाएपछि असार १३ गते भने प्राधिकरणले नगरपालिकाकै विद्युत लाइन काटिदिएको हो ।

कीर्तिपुर वितरण केन्द्रका प्रमुख प्रज्जवलमान श्रेष्ठ भन्छन् ‘हामीले तोकेको समयसीमाभित्र महसुल नतिरेपछि जसको पनि लाइन काट्ने गरेका छाैं, नगरपालिकाले १ लाख ९८ हजार तिर्न बाँकी छ त्यसैले काटेका हौं ।’

तपाईको प्रतिक्रिया

स्थानीय चुनाव बिशेष

जिल्ला समन्वय समिति पर्साको सभापतिमा फोरमका उम्मेदवार बिजयी 

जिल्ला समन्वय समिति पर्साको सभापतिमा फोरमका उम्मेदवार बिजयी 

पर्सा जिल्लामा शुक्रबारको चुनावी घरदैलोका तस्बिरहरु

पर्सा जिल्लामा शुक्रबारको चुनावी घरदैलोका तस्बिरहरु

पर्सामा चुनावी प्रचार प्रसारका लागि समाजिक सञ्जालको ब्याप्क प्रयोग

राम मण्डल बीरगञ्ज मंसिर ८ पर्सामा चुनावी प्रचार प्रसारका लागि समाजिक सञ्जालको ब्याप्क प्रयोग

अन्तराष्ट्रिय

अफगान सेनाको कारबाहीमा १७ तालिबान मारिए

अफगान सेनाको कारबाहीमा १७ तालिबान मारिए

उत्तर कोरियाले जापानतर्फ फेरि अर्को मिसाइल छोड्यो

उत्तर कोरियाले राजधानी प्योङयाङबाट पूर्वी दिशामा जापानतर्फ फेरि एक मिसाइल छोडेको छ ।

मुम्बईमा भवन भत्कँदा ११ को मृत्यु

मुम्बईमा भवन भत्कँदा ११ को मृत्यु


विचार/ब्लग

नेपाल प्रहरीको उदाउँदो किरण: सर्बेन्द्र खनालको आगामि यात्रा

श्रावन ०५ बिहीवार, हेटौंडा । गृह मन्त्रालयका बढुवा समितिले भर्खरै गरेको एस.एस.पि.को बढुवा सिफारीसमा १५ जना प्रतिस्पर्धीलाई उछिन्दै कार्यसम्पादनको आधारमा डि.आई.जि.को बढुवा सिफारीसमा १ नम्बरमा पर्न सफल हुनु भएको छ ।